Хэнтий, Дорнод, Сүхбаатар аймгийн Цагдаагийн газар хамтран зургаан бүлгийн 17 этгээдэд холбогдох 26 удаагийн үйлдлээр 284 толгой бод, 278 толгой бог мал хулгайлсан үйлдлийг тогтоон, дайчлан баривчилжээ.

Мал хулгайлсан хүмүүс нь 18-55 насны эрхэлсэн ажилгүй, туслах малчин байсан бөгөөд амар хялбараар мөнгө олох зорилгоор бүлэглэн уг гэмт хэргийг үйлдсэн байна.

Тэд малыг бэлчээрээс нь туух, тээврийг хэрэгслээр зөөх, бэлчээрт нь нядлах зэргээр тээврийн хэрэгсэлд ачин зөөдөг болох нь мөрдөн шалгах ажиллагаагаар тогтоогджээ.

ЭЦА-ны Хулгайлах гэмт хэрэгтэй тэмцэх хэлтсийн Мал хулгайлах гэмт хэрэгтэй тэмцэх тасгийн ахлах мөрдөн байцаагч, цагдаагийн ахмад Г.Пүрэвсүрэн, Улсын хэмжээнд 2024 оны аравдугаар сарын байдлаар мал хулгайлах гэмт хэрэг 377 бүртгэгдсэн нь өмнөх оны мөн үеэс 192 нэгжээр буюу 33.7 хувиар буурсан үзүүлэлт. Хэргийн илрүүлэлт 46.4 хувь буюу өмнөх оны мөн үеэс 1.3 хувиар өссөн байна.

Өвлийн идэш хоолны цагт энэ төрлийн гэмт хэрэг өсөх хандлагатай байгаа тул малчин иргэд сонор сэрэмжээ дээшлүүлж, малаа хариулгатай байлгаж, алдсан болон олдсон малын мэдээллээ Цагдаагийн байгууллагад мэдэгдэхийг анхааруулав.