Нийслэлд тээврийн хэрэгслийн улсын бүртгэлийн дугаар олгохгүй байгаа асуудлаар иргэд  өнөөдөр /2024.11.12/ Үндсэн хуулийн Цэцэд хандаж, мэдээлэл хийлээ.

Иргэдийн зүгээс "730 мянгаас дээш улсын дугаар олгохгүй гэж журамласан. Хэрэв үүнээс буурсан тохиолдолд дандаа он залуу автомашинд улсын дугаар олгоно гэж иргэдийн эрхийг хязгаарлаж, боомилсон. Би жишээ нь “Приус-20” маркийн автомашинтай.

Одоо машинаа сайжруулж “Приус-30” авъя гэхэд боломжгүй болчихлоо. Учир нь улсын дугаар 730 мянгад хүрсэн.

Одоо 785 мянга болсон, үүнээс буурсан тохиолдолд олгоно гэнэ. Ингэхдээ, би 2015 онд үйлдвэрлэсэн автомашин авах гэж байгаа.

Гэтэл 2024 онд үйлдвэрлэсэн автомашин авах гэж байгаа хүн миний урд орж дугаар авах юм гэнэ. Мөн хувьдаа зогсоолтой хүн миний өмнө дугаар авах юм байна. Энэ бол хүний эрхийг зөрчиж байгаа асуудал болж байна.

Тийм учраас УИХ-аас өнгөрсөн жил гаргасан хуулийг, НИТХ-ын тогтоол, мөн Нийслэлийн Засаг даргын захирамж хүний эрхийг хязгаарласан учраас Үндсэн хуульд гомдол гаргаж байна. " гэв.