Улсын циркийн барилгыг 2008 онд Японы мэргэжлийн сүмогийн 68 дахь их аварга Д.Дагвадорж хувьчлан авч “АСА” цирк нэртэй болсон. 2008-2020 он хүртэл циркийн үйл ажиллагаа хэвийн үргэлжилж байсан ч 2020 оны 7-р сараас засварын ажил эхэлж, өнөөдрийг хүртэл дуусаагүй байгаа юм. Өмнө нь циркийн барилгыг 2024 оны долдугаар сарын 7-нд ашиглалтад оруулна гэж мэдээлж байсан ч чадаагүй. Өөрөөр хэлбэл, Хамгийн сүүлд Д.Дагвадорж амлалт талаар болж, циркийн засварын ажил дуусаагүй тул 2024 оны 11-р  сарын 01-нд нээлтээ хийлээ.

Шинээр ашиглалтад орсон циркийн барилга 3400 суудалтай, босоогоор 6000-7000 мянган хүн үйлчлүүлэх боломжтой байх юм.

Эргэн сануулахад, Д.Дагвадорж  циркийг хувьчлан авахдаа "Дэлхийд гайхагдах цирк болгоно" хэмээн амлаж байсан юм.

Гэтэл нээлтээ хийсэн "АСА" цирк нь циркийн зориулалттай биш, арга хэмжээний зориулалттай болж, "Аса арена"  нэртэй буюу "Эвент холл"-д болсон гэж  салбарынхны шүүмжлэлийг дагуулж буй.

Энэ талаар “ТООНОТ” рекордсын ерөнхий продессер Э.Дэлгэрмөрөн буюу Дээгий "Циркийг нь "Эвент холл" болгочихсон байхад л долоочих гээд байх юм. Тоглолтын нэг өдрийн түрээс нь 50 сая төгрөг гэсэн үү" гэжээ.