Аравдугаар сарын 23-наас 28-ны хооронд БНХАУ-ын нийслэл Бээжин хотноо олон улсын гагнуурын "ARC CAP 2024" тэмцээн амжилттай зохион байгуулагдлаа.

Тус тэмцээнд Монгол Улсаас эх орноо төлөөлөн гурван гагнуурчин оролцож, цахилгаан гагнуур, хагас автомат гагнуур, хийцийн төрөлд Монголчууд шилдэг нь байлаа.

Тодруулбал, цахилгаан гагнуур болон хийцийн ажилбарын төрөлд М.Сүхбат хос алтан медаль хүртсэн бол хагас автомат гагнуурын төрөл н.Төгсбаяр мөн алтан медаль хүртжээ. Улмаар нийлбэр дүнгээр Монголын гагнуурчид "ARC CAP 2024" тэмцээний алтан цомын эзэд болсон байна.