Монгол Улсын Ерөнхийлөгчийн 2024 оны 10 дугаар сарын 04-ний өдрийн 149 дүгээр зарлигаар Шүүх Шинжилгээний байгууллагыг “Цэргийн гавьяаны улаан тугийн одон”-гоор шагналаа. 

Зарлигийн дагуу Монгол Улсын Үндэсний аюулгүй байдлын зөвлөлийн Нарийн бичгийн дарга А.Бямбажаргал Шүүх Шинжилгээний байгууллагын хамт олонд өчигдөр буюу 10 сарын 24-ний өдөр шагналыг гардуулан өглөө. 

Шүүх Шинжилгээний байгууллагыг нийгэмд шударга ёсыг бэхжүүлэх, хүний эрх, эрх чөлөө, хууль ёсны ашиг сонирхлыг хамгаалах хүндтэй бөгөөд ариун үүргээ нэр төртэй биелүүлэн ажилласныг ийнхүү үнэлж шагнажээ. 

Цэргийн гавьяаны улаан тугийн одонт Шүүх шинжилгээний байгууллагын алба хаагчдад түүхт 80 жилийн ойн мэндийг хүргэе!