Сонгуулийн сурталчилгааны 7 дах өдөр НИТХ-ын 1-р тойрог буюу Баянгол дүүргээс нэр дэвшигч Б.Сэмжидмаа Баянгол дүүргийн жижиг, дунд бизнес эрхлэгч болон иргэдтэйгээ уулзаж, мөрийн хөтөлбөрөө танилцуулжээ. 

МАН-аас дэвшүүлж буй мөрийн хөтөлбөрийн "ОРЛОГОТОЙ ХОТ"-ын хүрээнд жижиг, дунд бизнес эрхлэгчдийг дэмжих зорилгоор тэдний бүтээгдэхүүн, үйлчилгээний чанар стандартыг дээшлүүлэх, хотоос дэмжлэг үзүүлэх, бизнес эрхлэхэд учирч буй саад бэрхшээлийг арилгаж, иргэд бизнес эрхлэх орчинг бүрдүүлнэ гэж тусгагдсан.

Өөрөөр хэлбэл бид гарааны бизнесийг эхлүүлэхэд дэмжлэг үзүүлэх, эрхэлж буй бизнесийг нь дэмжиж ажиллах талаар энэ үеэр иргэдэд таниулсан байна.