Хуулийн байгууллагаас өнгөрсөн сард хууль бусаар мөрийтэй тоглоом зохион байгуулж,  банкан дахь хувь хүний  данснаас их хэмжээний мөнгө гарган авдаг 30 гаруй хүнтэй бүлэглэлийг саатуулан, шалгаж эхэлсэн талаар бид өмнө мэдээлсэн.

Тэгвэл Эрүүгийн цагдаагийн албанаас банк болон улсын бүртгэлийн  нэр бүхий ажилтнууд бүлэглэн цахим мөрийтэй тоглоом зохион байгуулсан 7 хүнийг яллагдагчаар татан шүүгчийн захирамжаар цагдан хорьсон байна.

Яллагдагчаар татагдсан 7 хүнээс 2 нь банкны, 2 улсын бүртгэлийн ажилтан байна. 

Албан бус мэдээллийн эх сурвалжаар  Хаан банкны 1, Голомт банкны 1 ажилтан 80 орчим иргэдийн дансны  мэдээлэл болон тоон гарын үсгийг гаргуулан тухайн иргэдийн данснаас их хэмжээний мөнгийг бусдын данс руу шилжүүлэн авдаг байсан аж.

Мөн улсын бүртгэлийн ажилтнууд нэг хүний мэдээллийг 500 мянган төгрөгөөр зардаг байж болзошгүй аж.