Цахим орчинд өчигдөр орой "Хөвсгөл аймгийн Политeхникийн коллeжийн ангийн оюутан нэгнээ дээрэлхэж зодсон" бичлэг нийтлэгдсэн.

Тэгвэл энэ талаар ЦЕГ-аас тодруулахад "Цахим орчинд нийтлэгдсэн бичлэгийн мөрөөр Хөвсгөл аймгийн цагдаагийн байгууллагаас шалгалт явуулж байна" гэв.

Сүүлийн жилүүдэд ерөнхий боловсролын сургууль болон их дээд сургууль, коллежид сурагчид нэгнээ дээрэлхэж, гадуурхах, бүлэглэн зодох гэх мэт хэргүүд олон гарсаар байна. Тиймээс иргэд та бүхэн үр хүүхэддээ анхаарал тавьж, тулгарч буй асуудлыг нь хамтдаа шийдэж ярилцаж, болзошгүй эрсдлээс урьдчилан сэргийлээрэй.