Чингэлтэй дүүргийн Засаг даргын нэрэмжит “Иргэдийн спортын XII их наадам”-ын нэгдсэн нээлтийн арга хэмжээ өнгөрсөн амралтын өдөр буюу 2024 оны 09-р сарын 14-ний өдөр дүүргийн Биеийн тамир, спортын хороонд боллоо.

Тэмцээний нээлтэд дүүргийн Засаг дарга Балжиннямын Мөнхбат оролцож нийт тамирчдад амжилт хүслээ.

Иргэдийн спортын их наадмын волейболын тэмцээнд эрэгтэй 19, эмэгтэй 18, нийт 37 багийн 300 гаруй тамирчид хурд хүч, авхаалж самбаагаа сорин өрсөлдсөн юм. Тус тэмцээнд нэгдүгээр байр эзэлсэн баг тамирчид ирэх 11 дүгээр сард зохион байгуулагдах “Нийслэлийн аварга шалгаруулах тэмцээн”-д оролцох юм.