Хан-Уул дүүрэгт хамтран амьдрагч эмэгтэйгээ хөнөөгөөд цогцсыг нь мөчилж, нохойд өгсөн байж болзошгүй хүн амны ноцтой хэрэг гарсан талаар бид өмнө нь мэдээлж байсан.

Тодруулбал, сураггүй болсноор 20 гаруй хоног эрэн хайгдсан эмэгтэйн цогцсыг цагдаагийн байгууллага олж, илрүүлээд байсан бөгөөд шүүх шинжилгээний үндэсний төвийн урьдчилсан шинжээчийн дүгнэлтээр нохойн үүрнээс олдсон яс нь сураггүй алга болсон иргэний буюу талийгаач эмэгтэйн ээжийн ДНХ-тэй таарч байгаа нь тогтоогдоод байсан.  Мөн тус хэрэгт холбогдуулан 47 настай иргэн Б-г  цагдан хориод байсан.

Тэгвэл тус хэргийг шүүхээс шийдвэрлэсэн байна. 

Тухайлбал, ХУД-ийн Эрүүгийн хэргийн анхан шатны шүүхээс   "хамтран амьдрагчаа хөнөөж, цогцсыг нь нохойд өгсөн" гэх хэрэгт Д.Бадралыг гэм буруутайд тооцож, БҮХ НАСААР НЬ ХОРИХ ял оногдуулжээ.

Эрүүгийн хуулийн Тусгай ангийн 10.1.2-т зааснаар, хүнийг онц хэрцгийгээр алсан гэх үндэслэлээр  бүх насаар хорих ял ийнхүү оноолоо.