Булган аймгийн Гурван булаг сумын харьяат, аймгийн арслан А.Отгонбаатарыг бөх сонирхогчид нь “Гоё Отгоо” хэмээн хочилдог. 

Тэгвэл А.Отгонбаатар нь хоёр хүүхдийнхээ ээжийг хэвтэрт ортол нь зодож, гэр бүлийн хүчирхийллийн хэргээр шалгагдаж байгаа аж. Түүний хувьд удаа дараа эхнэртээ гар хүрч, хэрцгийгээр зоддог байжээ.

Тухайлбал, эхнэрээ жирэмсэн байхад нь хүүхдийг нь гартал зодож байсан гэх бөгөөд  саяхан буюу энэ сарын 20-ны өдөр Булган аймагт эхнэрийнхээ тархийг хагалж, хэвтэрт ортол нь зодсон хэрэг мөн гарчээ.

Улмаар  түүний эхнэр ГССҮТ-д яаралтай хүргэгдэж ирсэн тохиолдол гарчээ. Сүүлийн хоёр жил сэтгэл санааны болон бие мах бодиороо хүчирхийлэлд байсан эхнэрийнх нь бие тун тааруу байгаа аж. 

Олны нүдэн дээр сайхан залуу, гоё бөх харагддаг бол ахуй амьдралдаа гэр бүлийн хүчирхийлэгч, бусдад удаа дараа танхайрсан этгээд байсныг эх сурвалжууд хэлж байв. 

Түүнчлэн А.Отгонбаатарын хувьд энэ сарын 10-ны үеэр Өвөрхангай аймгийн Элсэн тасархай орчимд иргэн Б-г хутгалж, танхайрсан  боловч хохирогч талтай тохирсны улмаас гомдол гаргаж, хэрэг нээгдэлгүй өнгөрсөн хэмээн эх сурвалж мэдээлэв. 

Өдгөө А.Отгонбаатар нь Алдар спорт хорооны харьяалалд байдаг бөгөөд тус газраас тогтмол цалинжаад явдаг гэв. Түүний танхай, хүчирхийллийн үйлдэл нь олон жилийн турш удаа дараа давтагдаж буй тул хохирогчид нь хуулийн байгууллагад шалгуулахаар ханджээ.