Францын жуулчин хурд хэтрүүлсний улмаас олон тооны тэмээ мөргөж, осол гаргажээ.

Тодруулбал, наймдугаар сарын 20-ны өдөр тус улсын иргэн Дундговь аймгийн Хулд сумын нутагт автомашинтай осолдсон хэрэг гарсан бөгөөд гадаад иргэн Б осол гаргасан болохыг тогтоосон байна.

Ослын улмаас гурван тэмээ газар дээрээ үхэж, 2024 онд үйлдвэрлэгдсэн Патриот маркийн автомашин нь засварлах боломжгүйгээр сүйдсэн байна. 

Мөн эх сурвалжийн мэдээллээр, осол гаргасан жуулчин нь хохирлоо барагдуулахаас татгалзсан гэх мэдээлэл бий. 

 Түүнчлэн Франц улсаас Монгол Улсад суугаа Элчин сайдын яамны зүгээс тухайн иргэний гадаад паспортыг эзэнд нь эргүүлэн өгөхийг цагдаагийн байгууллагаас шаарджээ. 

Тус хэргийг харьяа цагдаагийн газраас шалгаж байгаа бөгөөд тухайн автомашин нь түрээсийн үйлчилгээний тээврийн хэрэгсэл байсан аж.