Улсын заан Б.Соронзонболд өөрийн цахим хуудаснаа байр сууриа илэрхийлжээ.

Тэрбээр "Спортын сургалт систем чинь хоцрогдчихоод байна. Болохгүй бүтэхгүй байгааг чинь ганцхан энэ олимп биш олон тэмцээнд олон жил харуулж байна.

Гаднын багш дасгалжуулагч уриад цалинжуулаад ажиллуулах боломж бололцоо нь байдаггүй юм бол залуу хүмүүсээр удирдуул, наад шигшээ багуудаа. Топ амжилт гаргаад дөнгөж тамирчны карьераа өндөрлүүлж байгаа залуучууддаа даатга.

Настай болсон багш дасгалжуулагч нар нь ухамсраараа шигшээ багаас сайхан зайгаа тавьж өгөөд ирээдүй болсон хүүхдүүдийнхээ суурийг тавьж өгөх тал дээр л ажиллах хэрэгтэй байна даа. Чадахгүй зүйлээсээ өөрийгөө хойш нь татаад сурчих" гэв.