06 дугаар сарын 28-ны өдөр Турк улсын Истанбул хотын Шишли гэх дүүрэгт монголчууд архидан согтуурч нэгнийхээ аминд хүрсэн ноцтой хэрэг гарчээ. 

Эх сурвалжийн мэдээлж буйгаар Монгол улсын иргэн Б.Амарсанаа найз А.Төрболдынд оройн хоол идэхээр зочлох үедээ А.Төрболдын эхнэр Б.Дархисүрэнг хүчиндэхийг завдсан байна. Тэр үед эмэгтэй эсэргүүцэл үзүүлж тэдний хооронд зодоон болжээ.

Эмэгтэй эсэргүүцэл үзүүлж байхдаа толгойгоороо хана мөргөн ухаан алдаж унасан гэжээ. Тэр үед нөхөр нь гэртээ ирж, уурандаа найзынхаа нуруун тус хэсэгт нь хутгалж хүнд гэмтээсэн байна. Дуудлагын дагуу хэргийн газарт цагдаа болон эмнэлгийн бүрэлдэхүүн түргэн хугацаанд ирсэн ч Б.Амарсанаа аль хэдийн амьсгал хураасан байжээ.