НЦУГ-ын хурлын танхимд сонгуультай холбоотой цагдаагийн байгууллагад ирсэн гэмт хэрэг, зөрчлийн талаар болон сонгуулийн үеийн хамгаалалтын талаар мэдээлж байна.

ЦЕГ-ын Хэвлэл мэдээлэл, олон нийттэй харилцах хэлтсийн дарга Г.Пүрэвдэлгэр "Үндэсний эвслээс нэр дэвшиж буй нэр дэвшигч мэдэгдэл хийсэн. Цагдаагийн байгууллагаас үнэн зөв мэдээллийг өгч байна. Өчигдөр 22:00 цагт иргэнээс гомдол ирсэн. Гомдлын дагуу Цагдаагийн алба хаагчид ЧД-ийн байр луу очиход Үндэсний эвслийн байр гэсэн хаяг байгаагүй.

Зурагт харуулж байгаа шиг хаалга л байсан. Үндэсний эвслийн хуульч цагдаагийн байгууллага нэгжлэг хийхдээ СЕХ-д мэдэгдэл хүргүүлнэ гэж мэдээлсэн. Цагдаагийн байгууллага нэгжлэг хийгээгүй, үзлэг явуулсан. Тодотгож хэлбэл тус байранд 148 иргэн үйл ажиллагаа явуулж байсан.

Үзлэгийн явцад нэг компьютер дээр 5-7 хуурамч хаяг бий болгосон байдалтай нөхцөл байдлууд тогтоогдсон. Мөн 48985 хүний регистрийн дугаар бүхий хувийн мэдээллүүд олдсон нь хүний хувийн мэдээллийг хууль бусаар олж авсан гэдэг үндэслэлээр шалгаж байгаа.

 Дуудлага мэдээлэл бүртгэгдсэн цагаас эхэлж бид УЕП-ын хяналт доор үйл ажиллагаа явуулж байгаа." гэв.