Олон улсын хүүхдийн эрхийг хамгаалах өдрөөр бяцхан үрсээ хэрхэн баярлуулахаа шийдээгүй байгаа танд дараах мэдээллийг хүргэе.

Сүхбаатарын талбайд  “Дэлхийн Монгол хүүхэд” нэгдсэн арга хэмжээ болно

Олон улсын хүүхдийн эрхийг хамгаалах өдрийн баярын арга хэмжээг энэ жил “Дэлхийн Монгол хүүхэд” нэртэйгээр зохион байгуулна.

Энэ жил төв талбайд жижиглэн худалдаа, хоол хүнс зэрэг үйлчилгээг хориглож зөвхөн үзвэр үйлчилгээ, тэмцээн уралдааныг зохион байгуулах бөгөөд талбайн зүүн тал буюу “Туушин” зочид буудлын урд хэсэгт худалдаа хоол хүнсний үйлчилгээг байршуулах юм.

Мөн талбайн урд талд байрлах авто машины зогсоолд “Повер экспо” авто үзэсгэлэн болно. Баярын өдрөөр тодорхой чиглэл бүхий авто замын хөдөлгөөнийг хааж, хүүхэд багачуудын аюулгүй байдлыг хангахаар зохицуулалт хийнэ. Жил бүр уламжлал болгон зохион байгуулдаг шохой зургийн уралдаан ч мөн болно.

Баярын өдрөөр дараах үйл ажиллагааг зохион байгуулна. Үүнд:

- “Power expo” авто машины үзэсгэлэн

- Урлаг соёлын тоглолт

- Спортын 6 төрлийн тэмцээн уралдаан

- “Хөгжлийн харандаа” инновацын үзэсгэлэн

- E-спорт, Lego mindstorm, SIP зэрэг хөтөлбөрийг танилцуулах

- Хүүхдийн хөгжлийн тэмцээн уралдаан, хүүхэд хамгааллын үйл ажиллагаа

- Хүнс худалдаа үйлчилгээ зохион байгуулна. 

• 2024 оны 06 сарын 02
• 21:00-23:00 Д.Сүхбаатарын талбайн Нийслэл тайз

Зургаадугаар сарын 1-нд Үндэсний цэцэрлэгт хүрээлэнд хүүхдийн марафон болно

Хүний эрхийн Үндэсний Комисс, Хүүхэд, Гэр бүлийн хөгжил, хамгааллын ерөнхий газар, “Үндэсний цэцэрлэгт хүрээлэн”-тэй хамтарч “Хүүхэд бүр ялагч-Хүүхэд бүр хамгаалагч” хүүхдийн марафоныг 2024 оны зургаадугаар сарын 1-ний өдөр зохион байгуулах юм байна.

Хүүхдийн марафон гүйлтийн хөтөлбөр: 

• 10:00-10:30 цаг Нээлт
• 10:30-11:30 цаг Гүйлт /6-7 нас/
• 11:30-12:30 цаг Гүйлт /8-9 нас/
• 12:30-13:30 цаг Гүйлт /10-11 нас/
• 13:30-14:30 цаг Гүйлт /12-13 нас/
• 14:30-15:30 цаг Гүйлт /14-15 нас/
• 15:30-16:30 цаг Гүйлт /16-17 нас/
• 16:30 цагт Хаалт

“Монгол хүү” хүүхдийн баярын арга хэмжээ ХҮЙ ДОЛООН ХУДАГТ болно

“Монгол наадам цогцолбор” ОНӨТҮГ-аас үндэсний ёс заншил, их баяр наадмаа сурталчлах зорилгоор “Монгол хүү 2024” хүүхдийн баярын арга хэмжээг Хүй долоон худагт олон улсын хүүхдийн эрхийг хамгаалах өдөр буюу 6 дугаар сарын 1-ний өдөр зохион байгуулах гэж байна.

Тус арга хэмжээний үеэр хүүхдийн үндэсний бөхийн барилдаан, сурын харваа, дугуйн уралдаан, гүйлтийн тэмцээн, “Аав ээж би” сагсан бөмбөгийн тэмцээн болон урлаг соёлын арга хэмжээ болно.

"Миний дүү динозавр" хүүхдийн жүжгийг зургадугаар сарын 1-нд тоглоно

 "Эго" продакшны уран бүтээлчид "Миний дүү динозавр" хүүхдийн жүжгийг зургадугаар сарын 1-нд тоглохоор болжээ. Тус жүжгийн гол дүрд жүжигчин Т.Энэрэл, А.Дүүрэнжаргал, Ц.Мичидмаа, Д.Хосбаяр нар тогложээ. Жүжгийн зохиолч, найруулагчаар  А.Баярсайхан, продюсераар Ц.Баттулга ажилласан байна. Жүжиг Тусгаар тогтнолын ордонд 15:00, 17:00 цагаас тус бүр тоглогдох бөгөөд тасалбарыг Ticket.mn кассаар захиалах юм. Тус продакшны хувьд энэ хавар "Хайрын гэрээ" киногоо үзэгчдэд хүргээд буй.

УЛСЫН ИХ ДЭЛГҮҮР-ийн гадна талбайд:

Зургийн уралдаанд оролцох хүүхдүүд бичиг баримттайгаа 2024.06.01-нд насны ангиллаар заасан цагт УИД-ийн гадна талбайд ирж зургийн уралдаанд оролцоно.

Насны ангилал:

• 7-10 нас /10:00-12:00 цагт/ - Шилдэг 10 бүтээл
• 4-6 нас /12:30-13:30 цагт/ - Шилдэг 10 бүтээл ангиллаар явагдана.

Шалгаруулалтын үзүүлэлтүүд: Сэдэвтэй уялдсан байх, өнгө будгийн зохицол, уран сэтгэмжтэй байх. Шилдэг 20 бүтээлийн шалгаруулалтын дүн 2024.06.01-ны өдөр 15:00 цагт тайзан дээр зарлагдана.

МОНГОЛЫН ХҮҮХДИЙН ОРДОН

Зургаадугаар сарын 1-нд Монголын Хүүхдийн ордон 08:00-17:00 цагийн хооронд урд талбайдаа 400м авто машины замыг хааж хүүхэд багачууддаа зориулан авто машингүй баярын гудамжинд олон сонирхолтой хөтөлбөрүүдээр баярт өдөрт нь бэлэг барина.

Хүүхэд багачууд маань нүүрэн дээр зураг зурах, хүүхдийн ертөнц гар зургийн уралдаан, газрын даамны тэмцээн, АХА тэмцээн, Kids model арга хэмжээ, тоглоомын газрууд зэрэг хүүхэд багачуудын нас насны онцлогт тохирсон уралдаан тэмцээнүүдэд оролцох боломжтой юм.

МОНГОЛЫН ХҮҮХЭЛДЭЙН ТЕАТР 

Улсын Хүүхэлдэйн театр Авилгатай тэмцэх газартай хамтран Д.Нацагдоржийн болон Монголын зохиолчдын эвлэлийн шагналт Н.Мандалын зохиол "Хаалган хадны нууц" хүүхэлдэйн жүжгийг тайзнаа туурвиж  06-р сарын 01, 02-ны өдрүүдэд 11:00 цагт үзэгчдийн хүртээл болгох гэж байна.

ХҮННҮ ШОППИНГ МОЛЛ

"Хүннү Шоппинг Молл"-н тайзнаа 5 сарын 31, 6 сарын 1-ний өдрүүдэд Хүүхдийн бүжгэн жүжиг, Хүүхдийн галт тэрэг, Хөгжөөнт тоглоом , Азтан шалгаруулах, Мэргэжлийн шүдний эмчийн зөвлөгөө зэрэг олон олон арга хэмжээ ҮНЭ ТӨЛБӨРГҮЙ зохион байгуулагдах болно. 

Хүүхэд багачууд та бүхэн 6 сарын 1-ний өдөр ПАЛЕНТОЛОГИЙН ХҮРЭЭЛЭН-ийн сонирхолтой ертөнцөөр үнэ төлбөргүй аялаарай.

ХӨГЖЛИЙН ХАРАНДАА ИННОВАЦЫН ҮЗЭСГЭЛЭН

ХААНА:Соёлын төв өргөөнд

ХЭЗЭЭ: 06 дугаар сарын 01

• 10:00-19:00 Үзэсгэлэнгийн үйл ажиллагаа, үзүүлэн, туршилтууд нийтэд нээлттэй.
• 11:30-12:00 Нээлт
• 12:00-13:00 Шинжлэх ухааны сонирхолтой үзүүлбэр
• 12:00-18:30 Е-спорт тэмцээн /CS2, Mobile legend/ төрлөөр шууд дамжуулалт
• 18:30-19:00 Шагнал гардуулах арга хэмжээ

ҮЗВЭР ҮЙЛЧИЛГЭЭНҮҮД:

Анар Сайхнаа тоглоомын ертөнцөд

ХЭЗЭЭ: 5/29-6/1-н хүртэл

ХААНА: Zaisan event hall

"Намайг дурсаарай Коко" хүүхдийн жүжиг

ХААНА: /Үндэсний цэцэрлэгт хүрээлэн/-д БӨМБӨРЦӨГ ТЕАТР болно.

ХЭЗЭЭ: 6 сарын 01,02-ны өдрүүдэд болно.

ДҮҮРГҮҮДИЙН ҮЙЛ АЖИЛЛАГАА

ГОЛОМТ БАНКНЫ НЭЭЛТТЭЙ ӨДӨРЛӨГ

Голомт банкнаас "Олон Улсын Хүүхдийн Эрхийг Хамгаалах Өдөр"-ийг тохиолдуулан орон нутагт зохион байгуулагдах  "Нээлттэй өдөрлөг"-т хүрэлцэн ирэхийг урьж байна.

• Салбарын өдөрлөг: 2024.05.27-2024.05.31
• Талбайн өдөрлөг: 2024.05.31-2024.06.01

"Нээлттэй өдөрлөг"-ийн үеэр Голомт банкны орон нутгийн салбараар зочилсон хүүхэд бүрд бэлэгтэй.

Олон улсын хүүхдийн эрхийг хамгаалах өдрөөр зохион байгуулагдах үйл ажиллагаануудын байршил, дэлгэрэнгүй мэдээллийг дараах qr-ыг уншуулах эсвэл зураг дээр дараад харах боломжтой.