Монгол Улсад тагнуул хийж байсан гадаадын нэг иргэн болон эх орноосоо урвасан гурван монгол иргэнийг 2024 оны гуравдугаар сарын 29-ний өдөр Тагнуулын байгууллагаас тусгай ажиллагаа явуулж баривчилсан. Улмаар хорин 461 дүгээр ангид саатуулж, мөрдөн шалгах ажиллагаа эхэлсэн байдаг.

Энэ хэрэгт  нэгэн лам болон эм, эмнэлгийн хэрэгслийн импортын чиглэлийн үйл ажиллагаа явуулдаг манай улсын хоёр иргэнийг холбогдуулсан талаар өмнө бид мэдээлж байсан.

Тэгвэл Нийслэлийн прокуророос өчигдөр тухайн иргэдээс хоёрыг нь үргэлжүүлэн хорих саналыг шүүх байгууллагад хүргүүлсэн байна. Харин шүүх хурал өнөөдөр болох бөгөөд одоогоор шүүх хурал эхлээгүй байна гэдгийг албаныхан мэдээллээ.