Дэлхийн ноён оргил Эверестэд авирхаар явсан гурван уулчны хоёр нь хоёр хоногийн турш холбоо бариагүй талаар Монголын Уулчдын Үндэсний холбооноос мэдээлэл гаргасан талаар бид өмнө мэдээлсэн.

Тодруулбал, Ц.Өсөхбаяр, Л.Пүрэвсүрэн нар Эверестийн хамгийн өндөрт байрлах дөрөвдүгээр баазаас гараад сураггүй болсон аж. 

Ц.Өсөхбаяр, Л.Пүрэвсүрэн нар хамгийн сүүлд өнгөрсөн Ням гаригийн 19.30 цагт дөрөвдүгээр баазаас хөдөлж, Эверестийн оргил руу гарахаасаа өмнө уулын бэлд байрлах төв баазтай радиогоор холбогджээ. Уулчид Даваа гаригийн өглөө оргилд гарахаар төлөвлөж байсан ч төв баазтай дахин холбоо бариагүй гэнэ.

Катманду хотод төвтэй экспедиц, адал явдалт аялал жуулчлалын компани болох "8K Expeditions"-ээр дамжуулан монгол уулчид аяллаа төлөвлөжээ. Гэхдээ үйлчилгээндээ нэмэлт багц аваагүй гэв. Тэдний сонгосон багцад зөвхөн үндсэн баазын үйлчилгээ болон хүчилтөрөгч багтжээ. Харамсалтай нь, монгол уулчид нэмэлт хүчилтөрөгч ашиглахгүйгээр авиралтаа хийхийг хүссэн аж.

"8K Expeditions" компанийн гүйцэтгэх захирал Лакпа Шерпа "The Everest Chronicle" сэтгүүлд өгсөн ярилцлагадаа "Тэд ур чадвар, хүч чадалдаа итгэлтэй байсан. Өөрсдийгөө мэргэжлийн уулчид гээд шерпагийн дэмжлэг шаардлагагүй гэж бидэнд хэлсэн. Бид тэдэнд хөтөчөө үнэ төлбөргүй санал болгосон ч тэд татгалзсан" гэжээ.