Өнгөрөгч 2023 оны аравдугаар сард Дорноговь аймгийн Сайншанд 12 настай охиныг хулгайлж, амь насыг нь хохироосон хэргийн анхан  шатны шүүх хурал өнөөдөр /2024.04.16/ тус аймаг дахь Сум дундын эрүүгийн хэргийн анхан шатны шүүхийн байранд болж байна. Шүүх бүрэлдэхүүн эрүүгийн хариуцлага хүлээлгэх шийдвэрээ гаргахаар зөвлөлдөж байгаа талаар өмнө бид мэдээлсэн.

Тэгвэл дөнгөж сая  шүүх бүрэлдэлдэхүүн Г.Гантулгыг хүний амь нас санаатай, онц хэрцгийгээр хөнөөсөн гэм буруутайд тооцож, бүх насаар нь хорих ял оноосон талаар мэдээлэл ирлээ.

Прокуророос Г.Гантулгад Эрүүгийн хуулийн

• 13.2 дугаар зүйлийн 2.1 /Хүн хулгайлах/,
• 12.1 дүгээр зүйлийн 4 /Хүчиндэх/,
• 10.1 дүгээр зүйлийн 2.1, 2.4, 2.7 /Хүнийг алах/-д зааснаар яллах дүгнэлт үйлдэн Дорноговь аймаг дахь Сум дундын эрүүгийн хэргийн анхан шатны шүүхэд шилжүүлж байв.