Ерөнхийлөгчийн тамгын газар Олон хүүхэд төрүүлж өсгөсөн эхийг урамшуулах тухай хуульд нэмэлт оруулах хуулийн төсөл боловсруулж, олон нийтээс санал авч эхэлжээ.

Хүүхэд тээж төрүүлсэн тоогоороо Алдарт эхийн одон авах болзол хангасан ч аль нэг хүүхэд нь эндсэн тохиолдолд уг одонг олгодоггүй одоогийн зохицуулалтыг халахаар уг төслийг боловсруулсан байна.

Харин энэ иргэдээс санал авч буй хуулийн нэмэлт өөрчлөлт дэмжигдвэл ээжүүд хүүхэд тээж төрүүлсэн тоогоороо алдарт эхийн одон авах боломж бүрдэх юм байна. 

Өөрөөр хэлбэл, өмнөх хуульд заасан шалтгаанаар алдарт эхийн одонгоо авч чадаагүй ээжүүд нөхөж авах хүсэлтээ өгч болох аж.

Иргэн та энэ хуулийн нэмэлт өөрчлөлтөд санал өгөх бол энд дарж хандаана уу.