Сүүлийн жилүүдэд Онон-Балжийн байгалийн цогцолбор газарт цагаан зээрийн томоохон сүргүүд нүүдэллэн ирж өвөлжин, хавартаа буцаж буй. Энэхүү шилжилт хөдөлгөөн нь жил бүрийн 3-4 дүгээр сард явагддаг бөгөөд энэ жилийн хувьд олон жилийн дунджаас дулаан байгаатай холбогдуулан голын мөс эрт цөмөрч, голын усанд цагаан зээр эндэх тохиолдол их гарч байна. 

Иймд тус хамгаалалтын захиргаа Дэлхийн байгаль хамгаалах сангийн МХГ болон нутгийн иргэдтэй хамтран Онон, Балж голуудын сав газар дахь мал, амьтны сэг зэмийг цэвэрлэх ажлыг зохион байгуулжээ.

Одоогийн байдлаар нийт 31 толгой цагаан зээрийг уснаас гаргаж халдваргүйжүүлэн устгаад байна.