Нийслэлийн хэмжээнд өнгөрсөн долоо хоногт аврах ажиллагааны 5, гал түймрийн 36 дуудлага бүртгэгдэж, алба хаагчид 106 иргэний амь нас, 54 тэрбум 550 сая төгрөгийн өмч хөрөнгийг авран хамгаалжээ.

Өнгөрсөн өдрүүдийн дуудлага мэдээллийг дүгнэхэд хуурай өвсийг шатаасны улмаар гал түймэр гарах эрсдэл өндөрсөж байна. Тиймээс Аймаг, дүүргийн онцгой байдлын газраас ил гал гаргахгүй байхыг анхааруулж байна. Мөн үнс нурмаа тагтай саванд хийж, хашааны шар өвсөө шатаалгүй цэвэрлэхийг зөвлөжээ.