Шинэ болон хуучин орон сууцны м.кв-ын дундаж үнийн мэдээллийг ҮСХ-ноос танилцуулав. 2024 оны гуравдугаар сарын байдлаар Улаанбаатар хотод борлуулагдаж буй орон сууцны үнэ өнгөрсөн сар буюу 2-р сарынхаас 0.6 хувиар буурсан үзүүлэлттэй гарсан ч өнгөрсөн оны мөн үетэй харьцуулахад 9.1 хувиар өссөн үзүүлэлттэй байгаа юм. 

Энэ жилийн хувьд шинэ орон сууцны худалдаалагдаж буй м.кв-ын дундаж үнэ 3.9 сая төгрөг байна. Харин Хан-Уул дүүрэгт орон сууцны м.кв-ын үнэ хамгийн өндөр буюу 4.2 сая төгрөгийн ханштай байна. Хуучин орон сууцны м.кв-ын дундаж үнэ 3.7 сая ч Сүхбаатар дүүрэгт хамгийн өндөр буюу 4.3 сая төгрөгийн үнэтэй байна гэсэн статистик гарчээ. 

ҮСХ-ны мэдээллээр шинэ болон хуучин орон сууцны аль аль нь Сонгинохайрхан дүүрэгт харьцангуй хямд байна.