Энэ оны 4 сарын 5,6,7-ны өдрүүдэд Япон Улсын Күбота брендийн трактор, агрегат, сэлбэг, засвар үйлчилгээний үзэсгэлэн худалдаа зохион байгуулагдаж байна. Үзэсгэлэн худалдааны үеэр Японы алдарт Күбота брэндийн хөдөө аж ахуй, барилгын тоног төхөөрөмжийн шинэ тракторуудыг сонирхож, сонголтоо хийх боломжтой юм.

Энэ талаар "Күбота" корпорацын борлуулалтын албаны дарга Масанори Окамото хэлсэн үгэндээ "Өнөөдрийн үзэсгэлэн худалдааны үеэр MGA хэмээх хөдөө аж ахуйн тоног төхөөрөмжийн үзэсгэлэнг зохион байгуулж байна. Энэ удаагийн үзэсгэлэнд Япон улсад үйлдвэрлэгдсэн 23-135 морины хүчин чадалтай тракторууд голчлон тавигдсан байна.

MGA гээд хамтарсан хөрөнгө оруулалттай компани маань 2019 онд үүсгэн байгуулагдсан. Ийнхүү 2019 оноос эхлэн албан ёсны эрхтэйгээр Япон улсын Күбота брэндийн тоног төхөөржийг борлуулах эрхээ авсан. Одоо тав дахь жилдээ үйл ажиллагаагаа явуулж байна. Энэхүү Show room засвар үйлчилгээний төв маань одоогоос нэг жилийн өмнө баригдаж ашиглалтад орсон. Нэг жилийн хугацаанд тасралтгүй үйл ажиллагаагаа явуулаад үр дүнгээ үзээд байж байна.

Korea Kubota компанийн Засвар үйлчилгээний хэлтсийн албаны дарга Ким Ду Мионг: 

Өчигдөр орой Монгол Улсад анх удаа ирлээ. Өргөн уудам газар нутгийг хараад маш их сэтгэл хөдөллөө. Энэ удаагийн үзэсгэлэнд манай Күбота үйлдвэрээс Күботагийн барилгын тоног төхөөрөмжийг үзэсгэлэнд гаргахаар авч ирээд байна. 

MGA компанийн хувьд бол цаашид барилгын тоног төхөөрөмжүүд нийлүүлэх ажлыг үүгээр эхлүүлээд байна. Өглөөнөөс эхлэн үзэсгэлэнг сонирхохоор ирсэн хүмүүсийг ажиглахад Монгол улс их уудам нутаг дэвсгэртэй болохоор 100-аас дээш морины хүчин чадалтай техник шаардлагатай болов уу, том том техник шаардлагатай болов уу гэж харж байсан боловч эсрэгээрээ 23 морины хүчтэй жижиг техникүүдийг ч гэсэн хүмүүс маш их сонирхож байгаа харагдсан. Үүгээрээ 23-135 морины хүчтэй тракторууд Монголд нэлээн зах зээлтэй, ашиглагдах талбай байгаа юм байна гэдэг нь мэдрэгдсэн.

Korea Kubota компанийн хувьд Япон улсад үйлдвэрлэгдсэн Күбота брэндийн хөдөө аж ахуйн тоног төхөөрөмж болоод барилгын тоног төхөөрөмжийг борлуулдаг. MGA Монгол Күботагийн хувьд Korea Kubota компанийн зүгээс 2019 оноос эхлээд тракторын ард зүүгддэг нэмэлт тоноглол буюу агрегатуудыг нийлүүлж ирсэн. Өнөөдрийн үзэсгэлэнгээс төрсөн сэтгэгдэл гэх юм бол зөвхөн трактораар зогсохгүй арын нэмэлт агрегатууд Монгол улсад нэлээд шаардлагатай юм болов уу гэж анзаарагдсан.

Бид цаашдаа Солонгос улсад үйлдвэрлэгдсэн хамгийн сайн чанарын нэмэлт агрегатуудыг Монгол улс руу илгээх төлөвлөгөөтэй ажиллаж байна.

Үзэсгэлэн худалдааг зорьсноор  

•  Япон улсад үйлдвэрлэгдсэн.
• ХХААХҮЯ-ны хөнгөлөлтөнд хамрагдах боломжтой.
• Баталгаат хугацаатай.
• 23, 45,74,110,135 морины хүчтэй.
• Монгол хэл дээрх ашиглалтын зааварчилгаа.
• Мэргэшсэн инженерээс "Зөв жолоодох сургалт" авах боломжтой.
• Түлш зарцуулалт бага.
• Оригинал сэлбэг тос, мэргэжлийн засвар үйлчилгээг авах.
• Банкны лизингид хамрагдах боломжтой юм.