ТУУШИН ЗОЧИД БУУДАЛД 09:00 ЦАГТ:

Сургуулийн өмнөх болон ерөнхий боловсролын бага ангиас компьютерын ухаан, СТЕМ боловсролын сургалтын хөтөлбөр нэвтрүүлэх хүрээнд төрийн болон хувийн хэвшлийн байгууллагууд хамтран ажиллах санамж бичиг байгуулна.

МҮХАҮТ-д 09:00-11:00 ЦАГТ:

"Grow with Google Mongolia" хөтөлбөрийн нээлт болно.

"Premium" зочид буудалд 09:00 ЦАГТ:

Орон сууцны ундны усны чанарын талаар мэргэшсэн болон зөвлөх инженерүүд зөвлөлдөнө.

УДИРДЛАГЫН АКАДЕМИЙН ХИЧЭЭЛИЙН Б БАЙРАНД 10:00-12:00 ЦАГТ:

"Орчин цагийн төрийн албаны сургалтын тогтолцоо үүсэж хөгжсөний 100 жил" арга хэмжээ болно.

ТӨРИЙН ОРДОНД 10:00 ЦАГТ:

УИХ-ын хаврын ээлжит чуулган хуралдана.

ХАНГАРДИ ОРДОНД 11:00 ЦАГТ:

Бүх нийтийн цэвэрлэгээний талаар мэдээлэл өгнө.

ПУМА ЗОЧИД БУУДАЛД 11:00 ЦАГТ:

Германд нарийн мэргэжлээр суралцах талаар Тюрингэн мужийн боловсрол, бизнесийн салбарынхан арга хэмжээ зохион байгуулна.

ТӨВ АЙМГИЙН АЛТАНБУЛАГ СУМАНД БАЙРЛАХ ТАВАНТОЛГОЙ ДАХЬ ЗЭВСЭГТ ХҮЧНИЙ СУРГАЛТЫН НЭГДСЭН ТӨВД 11:00 ЦАГТ:

Байлдааны буудлагатай тактикийн хээрийн сургуулилалт болно.

МҮЭСТО-ны бага танхимд 11:00-14:00 ЦАГТ:

"Цэцэрлэгийн хүүхдүүдэд болон багш ажилчдад тулгамдаж байгаа асуудлууд"-ыг хэлэлцэн, төр засаг, шийдвэр гаргагчдад санал шаардлага хүргүүлэхээр СӨБ-ын багш ажилчдын чуулга уулзалт болно.

ҮНДЭСНИЙ МЭДЭЭЛЛИЙН ТӨВД 12:00 ЦАГТ:

Найруулагч "Hero"-ийн Б.Баатар “Interview” сэтгүүлийн эрхлэгч Б.Ганчимэгийн ярилцлагын зочинтойгоо хөөрөлдсөн яриаг дур мэдэн нэвтрүүлгийн эвлүүлэгтээ ашиглаж, зөвшөөрөлгүйгээр түүний яриаг гуравдугаар сарын 28-31-нд хэвлэл мэдээллээр цацаж, сэтгүүлчийг ажлын нэр төр, сэтгэл санаагаар хохироосон тул Иргэний хэргийн Шүүхэд хандаж байгаа талаар мэдээлэл өгнө.

МУБИС-д 16:00 ЦАГТ:

А.Солженицыны нэрэмжит сангаас Монголын Боловсролын Их Сургуульд Оросын тэргүүлэх хэвлэлийн газруудын номуудыг бэлэглэж, номын үзэсгэлэнгийн нээлт болно.