“Эрдэнэс тавантолгой” ХК 1072 хувьцааны 2022 оны ногдол ашгийг энэ оны 2-р сард иргэдийн данс руу шилжүүлсэн билээ.

Мөн онцгой дэглэм тогтоож, олборлолт, борлуулалт, тээвэрлэлтийг оновчтой зохион байгуулснаар үйл ажиллагаа нь эрс сайжирч, 2023 оны урьдчилсан гүйцэтгэлээр 3.2 их наяд орчим төгрөгийн цэвэр ашигтай ажиллаж, тухайн оныхоо ногдол ашгийг иргэдэд тараах боломжтой болсон.

Ийнхүү 1072 хувьцаатай Монгол Улсын иргэн 285 мянган төгрөгийн ногдол ашиг хүртэхээр болсон билээ.

Үүнийг санхүүгийн тайлан аудитлагдсаны дараа буюу 2024 оны дөрөвдүгээр сард олгоно хэмээж байсан бөгөөд өнөөдрөөс эхлэн тэрхүү мөнгө иргэдийн данс руу шилжиж эхэлсэн байна.