Цагдаагийн байгууллагаас Олон улсын Эрүүгийн цагдаагийн байгууллага, интерполтой хамтран олон улсад эрэн сурвалжлагдаж байсан иргэн Ц-г өчигдөр буюу дөрөвдүгээр сарын 02-ны өдөр Монгол Улсад албадан авчирчээ. 

Тодруулбал, иргэн Ц нь 2017 онд хүчиндэх гэмт хэрэгт холбогдон шалгагдаж байхдаа гадаад улсад оргон зайлсан. Улмаар эрэн сурвалжлагдаж байгаа оргодол этгээдүүдийн жагсаалтад оржээ. Түүнийг Шведийн хаант улсын цагдаагийн байгууллагатай хамтран "Шувуу" ажиллагааны хүрээнд ийнхүү баривчилж, одоо мөрдөн шалгах ажиллагааг явуулж байна. 

Цагдаагийн байгууллагаас эрэн сурвалжлаж буй этгээдүүдийг интерполын "Улаан булант" зар мэдээнд оруулж хамтын ажиллагаагаар олж тогтоодог байна.