Гэмт хэрэг, зөрчлийн дуудлага, мэдээллийг шуурхай шалгаж, шийдвэрлэх, иргэдэд цагдаагийн байгууллагын аюулгүй байдлын үйлчилгээг шуурхай үзүүлэх зорилготой дараах ажил, арга хэмжээг зохион байгуулж байна. Үүнд: 

• Гэмт хэрэг, зөрчлийн нөхцөл байдалд тохируулан нийслэлийн хэмжээнд гурван бүсэд хувааж хяналт тавьдаг байсныг энэ оны 03 дугаар сараас долоон бүсэд хуваан хяналт тавих ажлыг эхлүүлжээ.
• Авто эргүүлийн чиглэлд нэмэгдлээр 80 алба хаагчтай, 40 автомашин ажиллуулж эхэллээ.
• Авто эргүүлийн 40 чиглэл нэмэгдснээр нэг эргүүлийн автомашинд оногдох ачаалал дундажаар 35 хувиар буурчээ.
• Гэмт хэрэг, зөрчлийн дуудлага, мэдээлэлд шуурхай очих боломж дундаж хугацаа 4-6 минутаар нэмэгджээ.
• Авто эргүүлийн тоог нэмэгдүүлснээр дуудлага, мэдээлэлд 2-10 минутад очих хурд 4,5 хувиар, 10-20 минутад очих хурд 7 хувиар өсөж, 30-с дээш минутад очиж байсан дуудлага 7,5 хувиар тус тус буурчээ.