"Эрдэнэт үйлдвэр" ТӨҮГ-ын ажилчдын усанд ордог шүршүүрийн өрөөнд хяналтын камер суурилуулсан хэргийг шалгаж байгаа талаар бид өмнө мэдээлсэн.

Тэгвэл   аймгийн Цагдаагийн газраас дээрх мэдээллийн мөрөөр холбогдох шалгалтыг явуулахад, “Эрдэнэт үйлдвэр” ТӨҮГ-ын ажилчдын усанд орох өрөөнд байрлуулсан камер нь ямар нэгэн тоног төхөөрөмжид холбогдоогүй, бичлэг хийдэггүй болох нь тогтоогдсон байна.

Тиймээс эрх бүхий албан тушаалтан Зөрчлийн тухай хуулийн 6.22 дугаар зүйлд заасан “зөвшөөрөлгүй гэрэл зураг авах, дууны, дүрсний, дуу-дүрсний бичлэг хийх” зөрчлийн шинжгүй үндэслэлээр хүлээн авахаас татгалзаж шийдвэрлэжээ.