Өнөөдөр тариаланчдын төлөөллөөс уг асуудалтай холбоотойгоор байр сууриа илэрхийллээ.

Тариаланч эрхлэгчдийн төлөөлөгч Л.Цандэлэг "Сүүлийн дөрвөн жил галзуурч байна. 500 төгрөгөөр кг улаанбуудай авчхаад 6-7 дахин нугалж, 3500-аар зарж байна. 600, 700 хувийн ашигтай бизнес дэлхий дээр байдаг юм уу. Эд нар үйлдвэрлэлээ багасгаж, хомсдол үүсгэдэг. Хомсдол үүсгэж бага мөнгөөр их мөнгө олоод байна. Дэлгүүрүүдээр хомсдол үүсвэл зах зээлийн зарчмаар хүмүүс үнээ өсгөнө.

Өнөөдөр АНУ, Канад, Францаас гурав дахин үнэтэй гурилыг монголчууд идэж байна. Энэ арай дэндэж байна. Монгол гурилын мафи бий болчихож. Бүх юм мафи болчихсон. Шатахууны тавхан компани мөн биз дээ. Гурилын таван компани тавуулаа нэг л үнээр гурилаа зардаг. Ийм байдлаар би эсэргүүцээд байгаа юм." гэв.