Дэлхий нийтээрээ жил бүрийн 3 сарын 22-нд “Усны өдөр”-ийг тэмдэглэн өнгөрүүлдэг уламжлалтай. Үүний гол зорилго нь цэвэр ус болон усан хангамж, усны нөөцийн тогтвортой менежментийн асуудалд олон нийтийн анхаарлыг хандуулах, сурталчлан таниулах ач холбогдолтой юм.

Энэ жил "Ус ба энхтайван" уриатайгаар усны өдрийг тэмдэглэн өнгөрүүлж байна. Энэ хүрээнд бид Улаанбаатар Орон сууц нийтийн аж ахуйн удирдах газрын Хэрэглэгчийн үйлчилгээний хэлтсийн ус хангамжийн тооцооны инженер Б.Эрдэнэчимэгээс усны зөв зохистой хэрэглээний талаар тодрууллаа.