Айлын хаваржаа шатаж, малчин М-ын 10 гаруй тонн өвсөө зудын хүнд үед галд алдсан хэрэг гарчээ.

Тодруулбал, Ховд аймаг, Эрдэнэбүрэн сумын Шурга багийн “Эх цагаан булан” гэдэг газар хаваржаа шатаж байна гэх дуудлага мэдээллийг онцгой байдлын газарт өчигдөр буюу гуравдугаар сарын 18-ны өдөр мэдүүлсэн байна.

Тус сумын Мэргэжлийн ангийн 8 хүн 17 км замыг туулан 23:10 цагт очиход малчин М-ын 5х7 метрийн хэмжээтэй хаваржаа, 10 гаруй тонн өвс бүрэн шатаж байсныг 03.20-ны өдрийн 20:00 цагт бүрэн унтрааж дууссан тухай мэдээллийг сумын Засаг даргын Тамгын газрын дарга Н.Цэвэлмаа аймгийн Онцгой байдлын газарт мэдээлжээ.