"Улаанбаатар-Бүсчилсэн хөгжил" форум Төрийн ордонд өнөөдөр болж байгаа.

Энэ үеэр  "Буян" ХХК-ийн захирал Б.Жаргалсайхан  "Одоо хавар болж, цас хайлна. Хамгийн түрүүнд хотын хог, хир буртгаа бүх ААН, иргэн угааж, цэвэрлэх хэрэгтэй. Энэ дэлхий ертөнцөд бүгд эргэн тойрноо тохижуулж амьдарч байна.  Үүнийг шийдэж чадвал метро, онгоц явуулах нь дараагийн асуудал.

Х.Нямбаатар хотын дарга болоод тэгш, сондгой тоогоор замын хөдөлгөөнд оролцоно гэсэн чинь бүгд боож үхэх гээд хашхираад байсан. Тэгвэл больё, бүгд улсын дугаараараа чөлөөтэй яв. Хэр зэрэг хол, хэдэн өдөр явахыг нь хар. 

Автобусны хулгай, луйвар дээрмийг гаргалаа. Луйврыг гаргахаар луйвардаад байна гэж уурлана. Гаргахгүй болохоор луйвар хийж байна гэж уурладаг. Сүүлийн үед нийтээрээ яг юу ярьж байгаагаа мэдэхээ больсон. Энэ ёс зүйгүй байдлыг цэгцлэх хэрэгтэй. 

Хөгжил яриад 30 жил унтсан. Хэрэлдээд, хулгай хийгээд, худлаа яриад байгаад байдаг, юу ч хийдэггүй.

Саяхан Хөх хот Улаанбаатараас долоон доор байсан. Бараг бохир нь ил урсдаг хот байлаа. Гэтэл өнөөдөр Хөх хот метротой болчихсон. Бидний нэг тасархай тэнд хөгжөөд байна" хэмээн ярив.