Монгол улсын Үндсэн хуулийн цэцийн гишүүн Ц.Нанзаддорж нь 2023 оны зургаадугаар сарын 27-ны өдөр Үндсэн хуулийн цэцийн гишүүний үүрэгт ажлаас чөлөөлөгдөх хүсэлтээ УИХ-д өргөн мэдүүлсэн. Тэрбээр 2018 онд ҮХЦ-ийн гишүүнээр томилогдож байсан бөгөөд хүндэтгэн үзэх шалтгаандаа өндөр насны тэтгэвэр тогтоолгох талаар дурдаж өөрийн хүсэлтээр чөлөөлөгдөх хүсэлт гаргасан. Улмаар ҮХЦ-ийн гишүүнээс 2023 оны зургаадугаар сард УИХ-аас чөлөөлөгдсөн байдаг.

Тэгвэл Үндсэн хуулийн цэцээс тэтгэвэрт гарсан Ц.Нанзаддоржид 91 сая төгрөгийн тэтгэмж олгосон байна.

Энэ талаар шилэн дансандаа мэдээлжээ.

Эргэн сануулахад, Цэцийн  гишүүн асан Ц.Нанзаддорж “шүүхийн хонгил”-ын менежер гэж алдаршаад буй  Б.Баасанцогтод Зам тээврийн сайд асан Д.Ганбатын өгсөн 5 тэрбум төгрөгийн хахуулийг зуучлан дамжуулсан баримт дэлгэгдэж байв.

Түүний 2011 онд төрсөн хүү “Э” нь Худалдаа хөгжлийн банкинд 2.3 сая ам.доллар болон 3 сая юанийн хадгаламжтай гэж шуугиулж байлаа.