Дотоодын үйлдвэрлэгчдэд тулгардаг бэрхшээлийн талаар "Эксклюзив” брэндийн үүсгэн байгуулагч Г.Майцэцэг мэдээлэл өгч байна.

Тэрбээр  “Монголд нэг ш цамц үйлдвэрлэхийн тулд гурван удаа татвар төлдөг. Түүхий эддээ хил гаалийн татвар төлдөг, үйлдвэрлэх явцдаа ажилчдын татвар, НД, ХХОАТ, ААНОАТ, түрээс тог цахилгаан гэхчилэн зардал гардаг. Бэлэн болсон бүтээгдэхүүнийг эцсийн хэрэглэгчдэд хүргэхийн тулд худалдагчийн цалин татвар гээд гурав дахь удаа татвар төлөх болдог.

Дотоодын үйлдвэрлэгчид банкны сарын 2-2,5 хувийн хүүтэй зээл авч бизнес эхлүүлдгээс банкны хүүгийн дарамтад өртөж байна. Гадаадын улсад харин бодлогоор хөнгөн үйлдвэрээ дэмжихийн тулд урт хугацаатай, бага хүүтэй зээл олгож дэмждэг. Харин монголд тийм дэмжлэг байхгүй, харин ч дотоодын үйлдвэрлэлийнхээ эсрэг бодлого гаргадаг” гэлээ.