21 аймгаас шилдэг 21 адуучин эр зориг авхаалж самбаагаа сорьж, “Эр зориг” буюу уурга ташуур шүүрэх, морьтой буюу явган уургалах, бугуйлдах, эмнэг хангал булгиулах 4 төрлөөр өрсөлддөг “Адуучин” тэмцээн энэ сарын 23-нд Хүй долоон худагт болох шийдвэрийг Засгийн газрын хуралдаанаас гаргалаа. Ерөнхий сайдын ивээлд болдог энэхүү тэмцээнд энэ жил мөн аймаг, сумдаасаа шалгарсан шилдэг 21 адуучин оролцох юм байна.

Монгол нүүдэлчдийн түүх соёл, ёс заншил, Монгол адууны уламжлалт соёлыг тээн хадгалж, үндэснийхээ түүх соёлыг бодитоор нотлон харуулахад энэхүү тэмцээн нь ач холбогдолтой тул ирэх жилээс “Адуучин” тэмцээнийг Үндэсний их баяр наадмын хөтөлбөрт тусгаж зохион байгуулах нь зүйтэй гэж Засгийн газрын гишүүд үзсэнээс гадна аймаг, сумын “Адуучин” тэмцээний товыг оны өмнө тодорхой болгож, аялал жуулчлалын хуанлид тусгаж байхаар боллоо