Энэ сарын 26-ны өдөр цагдаагийн байгууллагаас "Токи гэх аппликэйшнд 100 гаруй иргэний банкны картын мэдээллийг оруулж, их хэмжээний мөнгө хулгайлсан хэргийг шалгаж байна " талаар мэдээллийг өгч, иргэд шаардлагагүй зээлийн апплейкшнүүдээ устгахгүй бол цахим гэмт хэргийн хохирогч болох магадлал өндөр байгаа талаар анхааруулсан.

Тэгвэл энэ талаар ЮНИТЕЛ-ээс дараах тайлбар мэдээллийг өглөө " Олон нийтийн мэдээллийг сувгаар мэдээлсэн асуудал нь хэрэглэгч картын нууцлалтай мэдээлэл болон баталгаажуулах нэг удаагийн кодыг залилагч этгээдэд дамжуулсан, алдсан тохиолдолд үүссэн асуудал байгаа. Бусдын картын мэдээлэл, нэг удаагийн нууц үгийг залилан авч бусдад хохирол учруулсан асуудлыг цагдаагийн байгууллага шалгаж байна." гэв.