Төрийн тусгай чиг үүргийг хэрэгжүүлэгч Гадаадын иргэн харьяатын газарт 800 сая төгрөгийн тавилга, эд хогшил худалдан авах ТЕНДЕР зарлажээ.

Уг  тендерийг энэ сарын 26-ний өдөр зарласан бөгөөд 800,000,000 төгрөгөөр яг ямар тавилга авах нь тодорхойгүй байна.

Тендерийн талаар дэлгэрэнгүй танилцуулбал "Тавилга, эд хогшил худалдан авах ажил" нэрээр зарласан байгаа юм.

Нийт 800 сая төгрөгийн үнэ бүхий тавилга худалдан авах бөгөөд санхүүжилтийн эх үүсвэр нь Дорноговь аймгийн Замын үүд сумын хотын захирагчийн ажлын алба буюу орон нутгийн төсвийн хөрөнгө оруулалт.

Татвар төлөгчдийн мөнгийг ийнхүү тавилга сэлтэд үрсээр суух төрийн нэрээр тав тухаа хангагчдад Монгол Улсын хямралд нөхцөл байдал, зуд огт хамаагүй байдаг бололтой.