Монгол орны нийт нутгаар зудын нөхцөл байдал үүсч, малчид хүндхэн нөхцөл байдалтай байна. Энэ үеэр  жүжигчин А.Өнөржаргал малчдад  өвс, тэжээл тарааж малчны хотын нөхцөл байдлын талаар мэдээлэл хүргэж байгаа билээ.  Энэ талаар тэрбээр "Намар маш эрт цас орсон. Үргэлжлүүлээд өвлийн бэлтгэл ажлаа ханах гэтэл улсын хэмжээнд түлш тасарсан байна. Ингээд 11 дүгээр  сарын сүүлээс эхлээд тасралтгүй 50 гаруй хоног шуурсан гэж малчид хэлсэн. Улмаар бүх замыг хааж, малчид хөдлөх аргагүй болжээ. Ийнхүү сүхбаатар аймгийн малчдын хувьд хамгийн хүнд нөхцөл байдалтай байна. Одоогийн байдлаар Сүхбаатар аймгийн 100-аад айлд өвс тэжээл хүргэж өгч байна.

Бидний очсон 1700 гаруй малтай нэг айл 200 гаруйхан малтай үлдчихсэн байсан. Зарим хүмүүс малчдыг арчаагүй байна гэж байна. Арчаагүй байтлаа 1000 гаруй мал өсгөх үү?" гэв.