Нүүрсний гэх тодотголтой  Б.Ганхуяг, Т.Аюурсайхан нарын 11 хүнд холбогдох эрүүгийн хэргийн гэм буруугийн дүгнэлтийг өнөөдөр Чингэлтэй дүүргийн Эрүүгийн хэргийн анхан шатны шүүхэд танилцуулна. 

Шүүгдэж байгаа 11 хүний дотор Говийн ноён хутагт Данзанравжаагийн хойд дүр болох IX ноён хутаг О.Данзанлувсантүдэв буюу О.Угтахбаяр нэр холбогдсон шүүгдэж байна.

Тодруулбал, говийн есдүгээр ноён хутагт О.Данзанлувсантүдэв нь "нүүрсний" гэх тодотголтой Б.Ганхуяг нарт холбогдох хэрэгт "худал мэдүүлэг" өгсөн хэргээр шүүгдэж байгаа бололтой.

Хавтаст хэргийн танилцуулгыг харахад 1984 оны наймдугаар сарын 15-нд Дорноговь аймагт төрсөн. Дээд боловсролтой. Шашны зан үйл судлаач мэргэжилтэй. Хамарын хийдийн лам. Хан-Уул дүүрэгт оршин суудаг. Өмнө нь ял шийтгэл эдэлж байгаагүй ажээ.

УИХ-ын гишүүн асан Т.Аюурсайхан, "Эрдэнэс Тавантолгой" ХК-ийн гүйцэтгэх захирал асан Б.Ганхуяг нарын 11 хүнд холбогдох хэргийн гэм буруугийн шүүх хурал энэ сарын 15-нд эхэлж, хаалттай хуралдсан.