Манай мэдээллийн сайт Хаан банкны IT инженер Голомт банкинд их хэмжээний мөнгөтэй иргэдийн дансыг хакердаж, их хэмжээний хохирол учруулсан талаар өмнө бид мэдээлсэн.

Тэгвэл уг хэргийн талаар "Хаан банк"-ны ажилтан "Уг хэргийн талаар дэл сул яриа явж байсан ч яг үнэн гэж мэдээгүй. Манай байгууллагын хуулийн хэлтэс, удирдлагуудын зүгээс уг үйл явдлыг ихэд нууцалж байгаа. Гэхдээ манай байгууллагад "М" гэх инженер ажиллаж байсан нь үнэн. Одоо харагдахгүй больсон байна лээ" гэлээ. 

Харин Хаан банкны мэдээллийн ажилтнаас энэ талаар тодруулахад "Одоогоор бидэнд ирсэн мэдээлэл алга. Хуулийн хэлтэст мөн тодруулах гээд хандсан байгаа" гэсэн юм. 

Голомт банкны хувьд харилцагч нарынхаа дансыг хакердуулсан гэх мэдээллийн мөн ихэд нууцалж байгаа бөгөөд системийнхээ аюулгүй байдалд анхаарах шаардлагатай болсныг дээрх хэргээс харж болохоор байна. 

Дашрамд дурдахад өнгөрсөн онд Хаан банкны Сентрал тауэр дахь салбарын ахлах ажилтан кассаас 100 мянган ам.доллар хулгайлаад зугтсан хэрэг гарч байжээ.