Өнгөрсөн оны 08 дугаар сарын 4-ний өдөр Хан-Уул дүүргийн нутаг дэвсгэрт байрлах орон сууцанд нэвтэрч, гэрийн эзнийг нь хулгайлан, түүнд хүч хэрэглэн 98.5 сая төгрөгийг дээрэмдсэн хэрэг гарсан.

Уг үйлдэлд иргэн “Б” болон хамтран хэрэг үйлдсэн гурван этгээдэд Эрүүгийн хуулийн 13.2 дугаар зүйлийн 2 дахь хэсгийн 2.3, мөн хуулийн 13.4 дүгээр зүйлийн 4 дэх хэсгийн 4.1, мөн хуулийн 13.6 дугаар зүйлийн 2, мөн хуулийн 17.2 дугаар зүйлийн 3 дахь хэсгийн 3.3-д зааснаар эрүүгийн хэрэг үүсгэж, яллагдагчаар татан мөрдөн шалгах ажиллагаа явуулж, хэргийг шүүхэд шилжүүлэх саналтай прокурорт хүргүүлжээ.