Өнгөрсөн жилийн 03 дугаар сард Сонгинохайрхан дүүргийн 24 дүгээр хороонд оршин суух М.Б нь хардалтын улмаас эхнэрийнхээ амь насыг зодож, онц хэрцгий аргаар хөнөөсөн хэрэг гарсан. 

Цагдаагийн байгууллагаас мөрдөн шалгах ажиллагаа явуулж, прокуророос хэрэгт яллах дүгнэлт үйлдэж, шүүхэд шилжүүлээд байжээ. Уг хэргийг Сонгинохайрхан дүүргийн Эрүүгийн хэргийн анхан шатны шүүх хэлэлцэж, бага насны гурван хүүхэдтэй тул нээлттэй хорих ангид 18 жил хорих ял оноожээ.