Баянзүрх дүүрэгт Түргэн тусламжийн дуудлагаар очсон эмч рүү дуудлага өгсөн айлын хүн согтуу хоёр гартаа хутга барьж дайрсан хэрэг гарсан билээ.

Тодруулбал, Яаралтай түргэн тусламжийн төвд арванхоёрдугаар сарын 23-ны 04:50 цагт 47 настай эрэгтэйн даралт ихэссэн гэх дуудлага иржээ. Уг дуудлагын дагуу үзлэг хийхээр очсон эмч рүү тухайн иргэн хутга барьж дайрсан байна. Үүнээс үүдэн эмч цонхоор үсэрч баруун хөлөө хугалсан.

Тэгвэл эмч рүү хутга барьж дайрсан иргэн тухайн үед согтуу байсан учир эрүүлжүүлэхэд хонуулж арга хэмжээ авчээ. Мөн сэтгэцийн өөрчлөлттэй байж магадгүй гэж үзсэн учраас СЭМҮТ-д хүргэжээ.