Монголын 3х3 Сагсан Бөмбөгийн Холбооны Ерөнхийлөгч, Монголын Сагсан Бөмбөгийн Холбооны Дэд ерөнхийлөгч, төв FIBA болон FIBA Азийн 3х3 сагсан бөмбөгийн комиссын гишүүн М-Си-Эс Кока-Кола ХХК-ний Гүйцэтгэх захирал Л.Мягмаржавыг хүнсний үйлдвэрлэлийн салбарыг хөгжүүлэх үйлсэд оруулсан онцгой хувь нэмрийг нь үнэлж Монгол Улсын Ерөнхийлөгчийн зарлигаар Аж Үйлдвэрийн Гавьяат ажилтан цол тэмдгээр шагналаа.

Тэрбээр 2005 оноос хойш Монголын Сагсан Бөмбөгийг хөгжүүлэхэд гар бие оролцож, ивээн тэтгэж, удирдан зохион байгуулж ажилласаар ирсэн. Мөн түүнчлэн Монгол улсад зохион байгуулсаэ FIBA 3х3 болон FIBA олон улсын сагсан бөмбөгийн тэмцээнүүд болон бүхий л ажил, амжилтын ард байж Монгол улсыг багийн спортоор Олимпийн наадамд оролцоход ихээхэн хувь нэмэр оруулсан гавьяатай.