Дархан-Уул аймгийн цагдаагийн газарт 2023 оны арванхоёрдугаар сарын 3-ны өдөр … сүлжээ дэлгүүрт гадаадын иргэн шаардлага тавьсан дэлгүүрийн ажилтны биед халдсан гэх дуудлага, мэдээлэл бүртгэгдсэн байна.

Тодруулбал, ОХУ-ын иргэн үйлчилгээний газарт үйлчлүүлсэн төлбөрөө төлөхгүй хэмээн удаа дараа танхайрч, худалдааны ажилтны биед халдан, худалдагч эмэгтэйн өгзөг хэсэг рүү өшиглөсөн аж. Мөн согтууруулах ундаа хулгайлаах оролдлого хийжээ.

Монгол улсад аяллын шугамаар ирсэн М-д 2023 оны арванхоёрдугаар сарын 6-ны өдөр зөрчлийн тухай хуулийн 5.3 дугаар зүйлийн нэг дэх хэсэгт зааснаар 100 нэгж буюу 100,000 төгрөгөөр торгох шийтгэл оногдуулж шийдвэрлэжээ.