БОАЖЯ-наас цаг үеийн асуудлаар /2023.12.06/-ны өдөр Усны газрын дарга З.Батбаяр мэдээлэл өгөв.

Тэрбээр, "Наймдугаар сараас хойш сар бүр мэдэгдээд байгаа зайсан гэж нэртэй Богд ууланд ам байдаг. Энд удаа дараагийн шинжилгээгээр одоогийн байдлаар бидэнд мэдэгдсэнээр манай зөвхөн усны газрын лаборатори хийсэн шинжилгээгээр таван хотхоны ундны уснаас гэдэсний савханцар илрээд байна. Бусад лабораториос гарсан шинжилгээний дүн нэгтгэгдээгүй байна. Хотхоны байрлалыг аваад үзэхээр энд тэнд байрлаж байгаа учир Зайсангийн ам тэр чигээрээ гэдэсний савханцар илэрсэн байх аюултай. Үүнтэй холбогдуулаад өнөөдөр Нийслэлийн Онцгой байдлын газарт халдварт болон халдварт бус өвчин дэлгэрэх аюул бий болж байгаа юм биш биз гэсэн албан хүсэлтийг явуулсан. Мөн Халдварт өвчин судлал үндэсний төвд энэ талаар судалгаа хийж өгнө үү гэж хүсэлт тавьсан. Яг бодит байдал дээр надруу утсаар ярьсан хүнийг хэлье. Надаас нэлээн ууртайгаар "өглөө босоод усанд орсон хүний биеэс юу үнэртдэг юм бэ" гэж асуусан. Мэдээж ундны ус нь өмхий үнэртэй болсон байсантай холбоотой" гэв.