Өнөөдөр “Вирус судлалын тулгамдсан асуудлууд” үндэсний 19-р бага хурал боллоо. 1978 онд анхны “Хүн, мал эмнэлгийн вирус судлалын тулгамдсан асуудлууд” хуралд нэртэйгээр эхэлснээс хойш энэ хурлыг 2 жил тутам зохион байгуулсаар эдүгээ “Вирус судлалын тулгамдсан асуудлууд” үндэсний 19-р бага хурал зохиогдож байна. Монголын Вирус Судлалын Нийгэмлэг хурлын ерөнхий зохион байгуулагчаар ажиллан ХӨСҮТ, Анагаах ухааны академи, ЗӨСҮТ, НЭМҮТ, Мал эмнэлгийн хүрээлэн, АШУҮИС, Гялс анагаах ухааны төв ХААИС-ийн эрдэмтэн, судлаачид хамтран зохион байгууллаа. Хуралд 100 гаруй судлаачид оролцлоо 30 гаруй судалгааны ажлыг хэлэлцэж, байна. 

Сүүлийн жилүүдэд шинэ Дэлхийн хүн амын халдварт өвчний 1/3 нь вирустэй холбоотой болохыг тогтоосон бөгөөд Манай улсын хүн амын дунд халдварт өвчин түгээмэл тул энэ үзүүлэлт 60-70%-д хүрэх магадлалтай.

Орчин үеийн вирус судлалын шинжлэх ухаанд нэвтэрч буй шинэ арга технологи, ялангуяа молекул биологийн аргууд, судалгаа шинжилгээний сүүлийн үеийн ололтууд, вирус судлалын салбарт тулгамдаж буй асуудлуудын талаар гадаад, дотоодын эрдэмтдийн лекцийг сонсож, илтгэлийг шүүн хэлэлцэхэд энэхүү хурлын зорилго оршиж буй юм.

Энэхүү хурлын шинжлэх ухаан, нийгмийн эрүүл мэндийн хөгжилд оруулсан хувь нэмэр тодорхой харагддаг билээ. Тухайлбал 1984 оны 4-р бага хуралд “Улаанбаатар хотын хүн амд Вируст хепатитын дахлаа тогтолцооны түвшинд” илтгэл тавьж хэлэлцүүлсэн нь вируст халдварын дархлаа тогтолцооны судалгааны суурь, 1987 онд боловсруулж батлуулсан “Вируст Хепатиттай Тэмцэх Зорилт” цогцолбор хөтөлбөр алсдаа “Эрүүл элэг” хөтөлбөрийн үндэс болсон юм. Үүний дагуу В вируст хепатитаас сэргийлэх вакциныг манай вирус судлаачдын идэвхитэй оролдлого, санаачилгаар 1991 онд нэвтрүүлснээр нийт Вируст Хепатитын өвчлөл тэр даруй 3,6 дахин, 5 хүртэлх насны хүүхдийн эндэгдэл 10 дахин буурч, дархлаажуулалт хийсэн насанд хепатитын В вирусийн эсрэгтөрөгч илрэх хувь 12-13,6% хүртлээ буурсан байна.

Тэр ч байтугай манай вирус судлаачид В вируст хепатитын эсрэг өөрсдийн идэвхигүйжүүлсэн вакциныг зохион бүтээж, ДЭМБ-аас өндөр дархлаа үүсгэж буйг судлан тогтоосон баталгаа авсан байдаг.

КОВИД-19 цар тахлын фронтонд манай вирус судлаачид “Шинэ коронавирүсийн бүрэн геномын судалгаа”, “Вакцины аюулгүй байдал, дархлаа тогтоох идэвхийн судалгаа”-г амжилттай хийсэн нь  Манай улсын нийгмийн эрүүл мэндийн цогц хариу арга хэмжээнд онцгой хувь нэмэр үзүүлсэн юм.

Одоо анагаах ухаанд вируст халдварын асуулал тулгамдсан хэвээр байна. Энэ талаар засгийн газарт чиглэл үүрэг өгч ажиллах болно.