Дорнод, Сүхбаатар аймгуудын нутгаар өчигдөр цаг агаарын нөхцөл байдал хүндэрч цасан шуурга шуурсан.

Сүхбаатар аймгийн Эрдэнэцагаан сумын 7-р багийн иргэд 3,5 настай хоёр хүүгийн хамт өвлийн идшээ бэлтгэх зорилгоор сумын төвөөс 18 км зайд цасанд суун саатжээ.

Улмаар автомашины түлш дуусаж, хүнд байдалтай байх үед нь хилийн цэргийн 0146 дугаар ангийн хошууч Ю.Баттулга, дэслэгч Б.Наранбат, ахлах ахлагч Т.Түшигтулга нарын бүрэлдэхүүнтэй үүрэг гүйцэтгэж явсан хилчид анхны тусламж үзүүлсэн байна. Мөн иргэдийн автомашиныг цаснаас гаргаж, түлшээр хангажээ.

Эх сурвалж: Хил хамгаалах байгууллага