Сонгинохайрхан дүүргийн 33 дугаар хороо, Тахилтын тавдугаар буудлын орчимд өнгөрсөн есдүгээр сарын 21 /2023.09.21/-ний өдөр 12, 13 настай хоёр охин сургуулийнхаа ойролцоох явган хүний гарцаар зам хөндлөн гарч яваад автомашинд мөргүүлж, улмаар нэг нь газар дээрээ нас барсан харамсалтай хэрэг гарсан.

Харин уг ослыг гаргасан 27 настай эрэгтэй жолоочийг яллагдагчаар татан, мөрдөн шалгах ажиллагаа явуулж, улмаар  хэрэгт прокурорын байгууллагаас яллах дүгнэлт үйлдэж,  шүүхэд шилжүүлээд байсанэ.

Тэгвэл тус хэргийн шүүхийн урьдчилсан хэлэлцүүлэг 11 дүгээр сарын 17-ны өдөр Сонгинохайрхан дүүргийн Эрүүгийн хэргийн анхан шатны шүүхэд товлогджээ.